Ancelotti iu drejtua me disa fjalë të forta lojtarëve të tij para sfidës ndaj Arsenalit

Carlo Ancelotti raportohet se ka pasur disa fjalë të fortë për ekipin e tij të Real Madridit, teksa ata do të përpiqen të rikthehen nga disavantazhi prej tre golave ndaj Arsenalit. 

Disa ditë pas humbjes së tyre me rezultat 3-0 në Londër, trajneri Ancelotti thuhet se ka mbajtur një takim me lojtarët e tij teksa ata po synojnë ‘remontadan’.

Sipas gazetarit Miguel Angel Diaz, italiani ishte shumë energjik dhe madje ngriti zërin e tij ndaj lojtarëve në një takim që kishte me ta të hënën. Sezoni i Madridit është në rrezik që të shkatërrohet i tëri pasi ata janë katër pikë mbrapa Barcelonës në garën për titull në La Liga dhe tani kanë një mur për të kapërcyer për ta rikthyer rezultatin. 

Pyetje janë ngritur sa i përket vazhdimësisë së Ancelottit në stolin e ‘Los Blancos’ dhe ndeshja ndaj Arsenalit duket se do ta përcaktojë përfundimisht fatin e tij.  Megjithatë, madrilenët mund ta mbyllin sezonin me trofe pasi ata do të përballen gjatë këtij muaji me Barcelonën në kuadër të finales së Kupës së Mbretit.  Madridi i Carlo Ancelottit do të shpresojë të bëjë një rikthim të paprecedentë ndaj Arsenalit në ‘Santiago Bernabeu’ të mërkurën.