Thomas Tuchel mund ta marrë drejtimin e Bayern Muenchenit, ka bërë të ditur “Kicker” të martën.
Mësohet se krerët e Bayernit pritet së shpejti ta kontaktojnë Tuchelin, i cili javën e shkuar u shkarkua nga Chelsea. Te Bayerni po e shohin Tuchelin si trajnerin e duhur për ta zëvendësuar Julian Nagelsmannin pas barazimeve në tri ndeshjet e fundit në Bundesligë.
Po ashtu, thuhet se edhe lojtarët e Bayernit nuk janë të kënaqur me punën e Nagelsmannit, i cili nuk po e merr pjesën e tij të fajit për rezultatet e dobëta kohët e fundit.
Nagelsmann 35-vjeçar mori drejtimin e Bayernit vitin e shkuar dhe e fitoi titullin e kampionit të Gjermanisë.
Ai ka kontratë me bavarezët deri në vitin 2026.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com