Cavani afër rikthimit të bujshëm në Serie A, ky klub është favorit për transferimin e tij

Fiorentina synon të rikthehet sa më shpejt në elitën e futbollit italian dhe pas një sezoni të nisur mjaft mirë, në fazën e dytë u penalizua jo pak nga shitja e sulmuesit serb, Dusan Vlahovic te Juventusi për 70 milionë euro.

Klubi vjollcë mori brazilianin Arthur Cabral nga Baseli dhe riktheu në Serinë A polakun Piatek, por asnjëri prej tyre nuk po arrin të zëvendësojë si duhet Vlahovic, ndaj po mendohet afrimi i një tjetër sulmuesi në merkaton e verës.

Këtë herë emri që ka dalë në skenë është ai i uruguaianit Edinson Cavani, të cilit i skadon kontrata me Manchester United dhe mund të vijë si lojtar i lirë, pikërisht në kampionatin ku spikati me fanellën e Palermos disa vite më parë.

Presidenti i Fiorentinës duket i gatshëm të sjellë 35-vjeçarin në Toskanë dhe për këtë ka udhëzuar drejtuesit e klubit t’i ofrojnë një kontratë dy vjeçare me pagë prej 4 milionë eurosh në sezon.