Te Chelsea po llogaritin në shërbimet e sulmuesit të Shqipërisë, Armando Broja. Madje, thuhet se Broja së shpejti do të firmos kontratë të re afatgjate me ekipin nga Londra.
“Daily Mail” ka raportuar të martën se Broja është në mesin e disa lojtarëve të rinj, si Mason Mount e Reece James, të cilëve drejtuesit e klubit u kanë përgatitur kontrata të reja gjashtëvjeçare me opsionin e vazhdimit edhe për vitin e shtatë.
Thuhet se Chelsea se shpejti do t’i nis bisedimet me lojtarët e lartpërmendur, të cilët po vlerësohen lartë nga pronari i ri, Todd Boehly. Broja para fillimit të këtij sezoni është kthyer te Chelsea pas huazimit njëvjeçar te Southamptoni. 20-vjeçari këtë edicion ka regjistruar dy paraqitje në Premier League, ndërsa kontrata aktuale me Chelsean i skadon në verën e vitit 2026.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com