Mbrojtësi i Juventusit, Matthijs de Ligt, karrierën mund ta vazhdoje në Angli. Pas Chelseat, në garë për holandezin kanë hyrë edhe Manchester Unitedi e Manchester City, shkruan “La Gazzetta dello Sport” të enjten.
Ditë më parë është konfirmuar se De Ligti është i gatshëm që të largohet nga Juventusi pas një periudhe trevjeçare. Trajneri i Cityt, Pep Guardiola dhe menaxheri i ri i Unitedit, Erik ten Hag, janë admirues të 22-vjeçarit prej kohësh. De Ligti ka punuar me Ten Hagun te Ajaxi, përpara se të transferohej te Juventusi në vitin 2019 për 85.5 milionë euro.
Holandezi ka klauzolë lirimi prej 120 milionë euro dhe Juve dëshiron ta shesë atë, por nuk do të pranojë që në marrëveshje të përfshihen lojtarë.
Në fakt, De Ligti kishte refuzuar ofertën e fundit të Juventusit për vazhdimin e kontratës. Deri me tani Chelsea ka ofruar 40 milionë, plus Timo Wernerin ose Christian Pulishiqin.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com