Cristiano Ronaldo ka folur në superlativ për Lionel Messin.
Në intervistën për Piers Morgan, pjesa e dytë e të cilës po transmetohet tani, Ronaldo ka folur për argjentinasin Messi. Për gati dy dekada Ronaldo e Messi kanë dominuar botën e futbollit.
Dhe shumë kanë vlerësuar se rivaliteti i tyre ishte i madh.
“Ai është lojtar i jashtëzakonshëm. Kemi ndarë skenën për 16 vjet. Imagjinoni, 16 vjet. Kështu që kam raport shumë të mirë me të”, ka thënë Ronaldo. Intervista e tij për Piers Morgan ka bërë bujë të jashtëzakonshme.
Ai kishte kritikuar Manchester Unitedin dhe drejtuesit e tij. Por për Messin, portugezi ka folur fjalët më të mira.
“Është sikur Messi të jetë bashkëlojtari im. Është djalosh që e respektoj. Mënyra se si ai gjithnjë ka folur për mua. Madje edhe gruaja e tij, nga ajo që e thotë e dashura ime. Çka tjetër mund të them? Një djalosh i shkëlqyeshëm që bënë gjëra të mëdha për futbollin”, ka shtuar Ronaldo.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com