Kampioni në fuqi i Spanjës, Atletico Madridi, është favorit për të siguruar shërbimet e sulmuesit të Juventusit, Paulo Dybala. Mediumet spanjolle raportuan të martën se Atletico tashmë ka kontaktuar me përfaqësuesit e Dybalas dhe ka prezantuar ofertën, e cila duket të jetë joshëse për sulmuesin argjentinas.
Po ashtu, në garë për Dybalan është edhe Interi, por ekipi nga La Liga duket se është në avantazh për ta transferuar 28-vjeçarin.
Dybala në fund të këtij edicioni do të largohet nga Juventusi si lojtar i lirë, pasi nuk i është ofruar rinovimi i kontratës nga ekipi italian.
Ai tek Atletico, shihet si përforcim i duhur për sulmin dhe zëvendësim ideal për Luis Suarezin. Dybala këtë sezon ka shënuar 13 gola dhe ka bërë gjashtë asistime në 29 ndeshje për Juventusin, të cilit ekip iu bashkua në vitin 2015 nga Palermo.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com