Skuadra e Liverpoolit ka shprehur interesim për mesfushorin Ismael Bennacer, raporton “Calciomercato” të premten.
Te Liverpooli po e shohin si mundësi të mirë transferimin e Bennacerit, i cili ka refuzuar rinovimin e kontratës me ekipin italian.
24-vjeçari ka kontratë me Milanin deri në vitin 2024 dhe ka kërkuar largimin nga klubi pasi nuk ishte i kënaqur me kushtet e ofruara për kontratën e re.
Atij i është ofruar pagë vjetore prej 1.7 milionë eurosh, ndërsa Bennacer po kërkon tre milionë euro në vit.
Ekipi anglez është i gatshëm t’ia plotësojë kërkesat Bennacerit, kartoni i të cilit vlerësohet rreth 30 milionë euro.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com