Rregullat e IFAB thonë se një ndeshje ‘nuk zhvlerësohet për shkak të vendimeve të gabuara që përfshijnë edhe VAR-in’, kështu që ndeshja Juventus – Salernitana nuk mund të riluahet pavarësisht se goli i fitores së Bianconerëve u anulua gabimisht.
Bianconerët janë tërbuar me gjyqtarët dhe VAR-in pas barazimit 2-2 kundër Salernitanas në “Allianz Stadium”.
Ata kishin rikuperuar rezultatin pasi ishin duke humbur 2-0, por në fund panë që një gol i fitores nga Arek Milik të anulohej për pozicion jashtë loje të Leonardo Bonuccit.
Mbrojtësi dukej i përfshirë në lojë aktive, por u mbajt në lojë nga Antonio Candreva, i cili nuk u vu re nga VAR në këndin e poshtëm të majtë.
Sipas Sky Sport Italia, Candreva ishte më afër vijës fundore se çdo lojtar tjetër, kështu që ai po mbante Bonuccin brenda lojës.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com