Sulmuesi Memphis Depay do të largohet nga Barcelona, por jo edhe nga La Liga.
“Mundo Deportivo” ka njoftuar të enjten se holandezi do t’i bashkohet Sevillas gjatë afatit kalimtar të janarit.
Mësohet se Depay ka arritur marrëveshje me Sevillan, e cila po negocion me Barcelonën për lirimin e tij.
28-vjeçari nuk bën pjesë në planet e Barçës dhe klubi është i gatshëm t’ia shkëpusë kontratën që i skadon në fund të këtij sezoni.
Ai këtë edicion ka vetëm tri paraqitje në të gjitha garat, ku ka shënuar një gol.
Depay iu bashkua Barcelonës vitin e shkuar si lojtar i lirë, pasi i skadoi kontrata me Lyonin. Interesim për transferimin e tij, kanë shfaqur edhe ekipet nga Anglia e Italia.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com