Mesfushori Franck Kessie pritet që karrierën ta vazhdojë në Angli, ka njoftuar “Mundo Deportivo” të hënën.
Bëhet e ditur se Barcelona ka marrë dy oferta zyrtare për mesfushorin, i cili nuk ka pasur minutazhë të madhe këtë edicion.
Aston Villa dhe Fulhami janë ekipet që po interesohen për Kessien dhe për transferimin e tij gjatë janarit kanë ofruar 25 milionë euro.
25-vjeçari para fillimit të këtij sezoni iu bashkua Barçës si lojtar i lirë dhe firmosi kontratë deri në vitin 2026.
Këtë edicion, ai ka shënuar vetëm një gol në 13 paraqitje në të gjitha garat.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com