Pas muajsh diskutimesh, Lewandowski u largua nga Bayerni këtë verë dhe kaloi në Barcelonë, me të cilën nënshkroi kontratë deri në vitin 2026 me opsion për ta vazhduar edhe për një vit. Më parë dihej se Barcelona kishte paguar 45 milionë euro për të, me një bonus prej pesë milionësh, ndërsa tani detajet e kontratës janë bërë të ditura në emisionin spanjoll radiofonik La Cadena SER.
Spanjollët pretendojnë se Lewandowski do të marrë dhjetë milionë euro në sezonin e parë, 13 në të dytin, 16 në të tretën dhe 13 milionë në të katërtin.
Nëse Barcelona fiton kampionatin spanjoll, ai do të fitojë edhe 300 mijë euro të tjera dhe kurora e trefishtë do t’i sillte një milion euro shtesë. Fitimi i vetëm kupës nuk do të thoshte asgjë financiarisht për Lewandowskin.
Përveç kësaj, 34-vjeçari Lewandowski thuhet se ka një klauzolë në kontratën e tij që i lejon Barcelonës të ndërpresë kontratën nëse ai luan më pak se 55 për qind të ndeshjeve në sezonin e katërt. Meqë ra fjala, polaku shënoi pesë gola në katër xhirot e para të La Ligës.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com