Erdhi me shumë bujë tek PSG – një ndër lojtarët më me ndikim merr vendim të largohet nga klubi francez

E ardhmja e mbrojtësit Sergio Ramos te Paris Saint-Germaini është e paqartë.

Klubi francez ende nuk ia ka ofruar rinovimin e kontratës, ndërsa Ramos po mendon të largohet nga Parisi në fund të sezonit aktual, ka shkruar “L’Equipe” të enjten.

Ramos tashmë po shqyrton ofertat që i ka marrë nga Shtetet e Bashkuara të Amerikës dhe Arabia Saudite, vende ky po synon ta vazhdojë karrierën. Ai në verë do të jetë lojtar i lirë dhe muajin e ardhshëm mund të firmos parakontratë me klubin e ri.