Futbollisti i Barcës shpërthen ndaj klubit, kërkon parat e tij ose mund të largohet në janar

Kriza ekonomike që ka kapluar Barcelonën është reflektuar edhe në pagat e lojtarëve.

Njëri prej lojtarëve që ka pësuar ulje të pagës për shkak të kësaj krize është edhe mesfushori holandez, Frenkie De Jong. Ai ka pranuar se në tre vitet e para që prej kur i është bashkuar Barcelonës, paga e tij është ulur.

“Unë nuk mendoj se jam lojtari më i paguar i Barçës pas Messit. Ka pasur një fushatë me shumë gënjeshtra”, ka thënë De Jong për “ZiggoSport”. Ai ka kërkuar që këto para tashmë duhet të rikthehen në llogarinë e tij.

“Në secilën nga 3 vitet e para që kam luajtur këtu, kam shkurtuar rrogën time. Kështu që përfundimisht paratë duhet të kthehen dhe sigurisht që do të duken më të mëdha”, përfundoi ai.

Sipas ‘Sport’, Liverpool ka pyetur për të. Ata duan të përforcojnë mesfushën në të cilën vazhdimësia e Keita, Oxlade-Chamberlain dhe Milner është në diskutim.