Nesër (e shtunë) me fillim nga ora 16:00 do të luhet finalja e Community Shield, aty ku në ‘Wembley’ do të takohen rivalët e qytetit Manchester City dhe Manchester United.
Para kësaj finaleje ka folur Pep Guardiola, i cili në mes të tjerash ka konfirmuar se nuk do të llogarisë në shërbimet e katër lojtarëve për këtë takim.
Tekniku katalanas ka thënë se treshja e Anglisë, Phil Foden, Kyle Walker dhe John Stones do të mungojnë në këtë sfidë e po ashtu edhe Rodri.
Një numër lojtarësh të cilët ishin pjesëmarrës në Euro 2024 u rikthyen në stërvitje me ‘Qytetarët’, duke përfshirë Kevin De Bruyne, Jeremy Doku dhe Manuel Akanji.
“Ne duhet të tentojmë t’iu japim atyre pushimin më të mirë që është e mundur. Ne do të donim më shumë kohë, por iu kemi dhuruar shumë”, ka thënë fillimisht Guardiola.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com