Habitë ish-mjeku i Real Madridit – Thotë se ky futbollist i Realit ka fizik më të mirë se Ronaldo

Gareth Bale është sportist më i mirë se Cristiano Ronaldo, sipas ish-mjekut të Real Madridit, Jesus Olmo.

Ylli i Manchester United është i famshëm për fizikun e tij dhe madje e ruan atë në moshën 37-vjeçare, por Olmo mendon se uellsiani është sportisti më i mirë që ka parë ndonjëherë.

Ish-mjeku i Los Blancos i tha më parë “Ideal” në vitin 2020: “Ndoshta sportisti më i mirë që kam parë ndonjëherë është Bale. Ai është një sportist natyral që mund të shkëlqejë praktikisht në çdo sport”.

“Ai ka aftësi të jashtëzakonshme atletike dhe do të thosha edhe aftësi teknike. Më ka bërë më shumë përshtypje në të gjitha aspektet”.

Eksperti mjekësor tha gjithashtu se tifozët e Real Madridit nuk e kanë parë më të mirën e magjistarit uellsian gjatë kohës së tij në Spanjë, sepse ai vuante nga disa lëndime.