Inter merr lajmin e madh i cili mund të ndikoj në ecurinë e mirë të këtij edicioni

Presidenti i Interit, Steven Zhang këmbëngul se angazhimi i Suning ndaj klubit “është afatgjatë” ndërsa Nerazzurrët konfirmojnë se të ardhurat e tyre janë rritur me rreth 75 milionë euro në 2021-2022.

Mbledhja e aksionerëve të klubit po zhvillohet në selinë e klubit dhe miratoi rezultatet financiare për 2021-22.

Inter rriti të ardhurat me 75 milionë euro gjatë vitit financiar që përfundon në qershor 2022, duke fituar 439.6 milionë euro krahasuar me 364 milionë euro në 2020-2021.

Gjigantët e Serisë A gjithashtu reduktuan kostot me rreth 140 milionë euro, duke shkuar nga një humbje prej 245.6 milionë euro në 2020-21 në 105 milionë euro vitin e kaluar.

Pronari i klubit kishte mohuar tashmë se klubi ishte në shitje të mërkurën pas fitores 4-0 të Interit ndaj Viktoria Plzen në Ligën e Kampionëve.