Këto janë vazot për shortin e Champions League – “tmerr” për Liverpoolin e Barcelonën

Ajax është konfirmuar si skuadra e fundit nga tetë skuadrat më të mira për Ligën e Kampionëve të vitit të ardhshëm.

Vazo e parë zakonisht rezervohet për fituesit e gjashtë ligave më të mira të Evropës, plus kampioni i Ligës së Evropës dhe Ligës së Kampionëve.

Kjo do të thotë se vazo e parë do të përbëhet nga: Manchester City, Real Madrid, Bayern Munich, Milan, PSG, Porto, Ajax dhe Eintracht Frankfurt.

Tetë grupe do të hidhen me një ekip nga çdo vazo në çdo grup. Vetëm një ekip nga çdo vend do të lejohet në një grup.

Vazo e dytë është konfirmuar si: Liverpool, Chelsea, Barcelona, ​​Juventus, Atletico Madrid, RB Leipzig, Sevila dhe Tottenham.

Vazoja tjetër mund të krijojë disa grupe sfiduese, pasi Borussia Dortmund, Inter dhe Napoli hyjnë në grupe me dy skuadra tejet të forta nga dy vazot e para. Pjesa tjetër e vazos së tretë përbëhet nga Sporting Lisbona, Bayer Leverkusen, Salzburg dhe Shakhtar Donetsk.

Benfica mund t’i bashkohet atyre nëse skuadra portugeze kalon në një raund kualifikues, por nëse jo do të jetë në vazon katër. Celtic dhe Club Brugge gjithashtu janë konfirmuar në vazon katër dhe do t’u bashkohen gjashtë skuadra nga raundet kualifikuese.