Liverpool më në fund ka gjetur një mesfushor kualitativ që do të luajë për shumë vite në Anfield

Liverpool shihet si favoriti për të nënshkruar Jude Bellingham nga Borussia Dortmund, thanë burime të shumta për ESPN.

“Reds” po udhëheq ndjekjen pavarësisht se Chelsea, Manchester United, Manchester City dhe Real Madrid po e përcjellin gjithashtu 19-vjeçarin.

Një burim i lidhur me një klub rival ofertues beson se Liverpool po krijon një marrëdhënie të ngushtë me kampin e lojtarit që mund të jetë një faktor i rëndësishëm.

Një burim tjetër tha se korniza e gjerë e një marrëveshjeje për ta çuar Bellinghamin në Anfield madje mund të jetë duke avancuar, edhe pse lojtari dhe babai i tij, Mark, kanë hedhur poshtë më parë publikisht idenë që është marrë një vendim për klubin e tij të ardhshëm.

Besohet se Dortmundi do të pranonte një shumë prej 100 milionë eurosh, por raportet këtë javë theksuan se kjo shifër mund të rritet në 150 milionë euro.