Mbappe deklarohet për festën e Leo Messit dhe Emiliano Martinezit – “Kam biseduar me Messin…”

Kylian Mbappe më në fund ka thënë fjalën e tij për festimin e Emiliano Martinez pas fitores së Argjentinës në Kupën e Botës ndaj Francës.

Mbappe shënoi një hat-trick ndaj Martinezit në finale, plus penalltinë e tij në gjuajtje për të fituar Këpucën e Artë në Botëror. Pavarësisht kontributit të yllit francez, ‘Gjelat’ u mposhtën 4:2 nga Argjentina. Pas fitores Martinez e përdori atë si një mundësi për të tallur pa pushim me Mbappe në festimet e tij.

Portieri i Aston Villa bëri thirrje për një ‘moment heshtjeje’ në dhomën e zhveshjes dhe u fotografua duke mbajtur një kukull me fytyrën e Mbappes në shpinë në Buenos Aires. Veprimet e tij u kritikuan menjëherë nga fansat dhe ekspertët. Menaxheri i Villa, Unai Emery pranoi se ai do të fliste me Martinez për sjelljen e tij pas kthimit të tij në Villa Park.

Mbappe ka qëndruar i heshtur gjatë gjithë kësaj. Domethënë deri të mërkurën në mbrëmje. 24-vjeçari natyrisht mori pyetje për Martinezin pas fitores 2-1 të Paris Saint-Germain ndaj Strasburgut, një lojë në të cilën ai shënoi penalltinë vendimtare.

“Kam biseduar me Messin pas ndeshjes. E përgëzova. Për të ishte një objektiv jetësor. Edhe për mua, por humba, kështu që duhet të jem një sportist i mirë. Festat nuk janë problemi im, nuk humb kohë për gjëra të tilla të parëndësishme.”