Milan kërkon njërin prej dy lojtarëve të Chelseat – nuk bëhet fjalë për Hakim Ziyech

Milani po kërkon sërish te Chelsea për sulmuesin e tyre të ri dhe thuhet se shpreson të marrë Christian Pulisic ose Ruben Loftus-Cheek.

‘Kuqezinjtë’ kanë qenë me probleme në sulm gjatë gjithë sezonit me Zlatan Ibrahimovic, Divock Origi dhe Charles De Ketelaere që luftojnë me lëndimet dhe formën e dobët. Sipas ’Calciomercato.com’, ata shpresojnë të ndërtojnë një raport të mirë me Chelsean, pasi kanë nënshkruar me Olivier Giroud prej tyre për vetëm 1 milion euro në 2021.

Përforcimi ideal do të ishte Loftus-Cheek, por me një çmim prej 30 milion euro, kjo duket se është përtej buxhetit të tyre tani. Një kandidat më i mundshëm gjithashtu është Pulisic, i cili mund të luajë në krah ose si 9 fals nëse është e nevojshme.

24-vjeçari ndërkombëtar nga Shtetet e Bashkuara ka kontratë vetëm deri në qershor 2024 dhe ka kontribuar vetëm me një gol dhe dy asistime në 21 paraqitje konkurruese këtë sezon. Chelsea sapo ka shpenzuar gjithsej 130 milionë euro për të nënshkruar me Mykhaylo Mudryk dhe Noni Madueke në janar, kështu që mund të jenë të hapur për shitje të disa lojtarëve.