Arsenali ka vazhduar me fitore në Premier Ligë, duke rrëmbyer edhe pozitën e katërt në tabelë pas katër fitoreve radhazi.
“Topçinjtë” fituan sot në udhëtim te Watfordi me rezultatin 2:3, në kuadër të javës së 28-të
Përveç golave që ishin të bukura në këtë ndeshje, vëmendjen e mori edhe Mikel Arteta me një “asistim”.
Trajneri i Arsenalit luajti rol të madh te goli i tretë i londinezëve, i cili u shënua nga Gabriel Martinelli.
Arteta ishte i vëmendshëm duke ia dhënë shpejt topin Sakas për të rifilluar me shpejtësi lojën nga rivënia anësore.
Saka topin me duar e dërgoi tek Soares, ku pastaj pas disa pasimeve mes futbollistëve të Arsenalit, ishte Martinelli që këtë aksion e mbylli me një gol të bukur.
Ndryshe, Arsenali pas kësaj fitore është ngjitur në pozitën e katërt me 48 pikë, teksa ende ka ndeshje më pak të zhvilluara.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com