Ish-gjyqtari, Tom Henning Ovrebo ka pranuar fajin për vendimet e tij në ndeshjen gjysmëfinale të Ligës së Kampionëve në mes Barcelona – Chelsea gjatë vitit 2009.
Ovrebo u shndërrua në një nga figurat më të urryera nga tifozët e Chelseat, pas vendimeve të tij në gjysmëfinalen e tyre ndaj Barcës, duke mohuar kështu një penallti londinezëve e cila do t`i dërgonte asokohe ata në finale.
Pas plotë 13 vitesh ende flitet për vendimet e asaj ndeshje dhe tani vet norvegjezi ka dhënë mendimin e tij në lidhje me atë ndeshje.
“Unë nuk mendoj që tifozët e Chelseat kanë të drejtë kur thonë se duhet të kishin katër penallti, por unë mendoj se çdokush që ka njohuri rreth futbollit dhe i di ligjet e lojës e di që do duhet të dhurohej një penallti.
Ndonjëherë të humbet ndonjë penallti, ndonjë karton i kuq ose ndonjë vendim kryesorë. Dhe mendoj që çdokush që din rreth futbollit është i vetëdijshëm që duhet të kishte penallti”, tha Overbo.
Norvegjezi tani ka pranuar që kishte marrë vendime jo të drejta gjatë asaj ndeshje.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com