Pas Mbappes, tani Real Madridi synon transferimin e yllit tjetër për 150 milionë euro

Real Madridi ka siguruar shërbimet e Kylian Mbappe për sezonin e ardhshëm dhe duket se një tjetër yll në rritje do të jetë në listën e tyre të dëshirave për 2025.

Një tjetër bonus për ekipin e Carlo Ancelottit është se kontrata e Mbappes tek PSG-ja po shkonte drejt fundit, dhe ai do të mbërrijë në Spanjë si transferim i lirë duke mos qenë nevoja që të paguhen miliona në drejtim të klubit francez për shërbimet e tij.

Kjo do të thotë se Real Madridi mund të grumbullojë fondet për të përforcuar ekipin me një lojtar tjetër, qoftë këtë verë apo tjetrën.

Sipas gazetës gjermane BILD,  ‘Los Blancos’ është fokusuar tek blerja e Florian Wirtz i cili ka një çmim prej 150 milionë eurosh.