Pasi iku nga Kosova, vellau i Arbrit, Besforti i bene “diss” Kosoves me ane te nje interviste

Besfort Zeneli është një tjetër futbollistë që ka tradhtuar Kosovën dhe ka zgjedhur të luajë me një tjetër Kombëtare.

Mesfushori suedez ishte pjesë e Kombëtares së Kosovës U21, por më vonë iu kujtua se ëndrra tij e madhe është të luajë për Kombëtaren e Suedisë. 22-vjeçari u largua nga Kombëtarja e Kosovës U21, madje e refuzoi edhe Kombëtaren A në vitin e kaluar duke pritur Suedinë. Tani ai ka debutuar për Kombëtaren A të Suedisë duke luajtur në dy ndeshje, derisa me krenari e thotë se ka refuzuar Kosovën për ta bërë ëndrrën e tij realitet.

“Për mua ka qenë gjithmonë e qartë se dua të luaj për Suedinë. Unë e refuzova thirrjen për ekipin kombëtar të Kosovës vitin e kaluar. Ishte një rrezik që mora, por ndjeva se doja të ndiqja ëndrrën time. Ishte bukur që isha i ftuar në tubimin e marsit. Trajneri Tomason më thirri pak para mbledhjes dhe më shpjegoi se si më pa, se më ndjekin prej kohësh. Ata kanë parë çdo ndeshje të vetme për nëntë muaj dhe mendojnë se dukem interesant. Ai tha qysh herët se do të më thërrisnin në tubim këtë mars. Ishte një lehtësim”, deklaroi Besfort Zeneli.

Zeneli tregon edhe momentin kur mori ftesën. “Isha pranë vëllait tim Arbërit dhe ai dëgjoi gjithçka. Pastaj e thirra babanë në telefon menjëherë dhe i tregova, derisa ai filloi të qajë nga gëzimi”, thotë Zeneli. Mesfushori i skuadrës suedeze qëndroi te Kosova U21 për një vit e gjysmë teksa zhvilloi gjashtë ndeshje.