Mesfushorët Eden Hazard dhe Dani Ceballos do të jenë në dispozicion të trajnerit Carlo Ancelotti për finalen e Ligës së Kampionëve që Real Madridi e luan ndaj Liverpoolit, ka njoftuar “Mundo Deportivo” të hënën.
Dy futbollistët i janë bashkuar ekipit në stërvitje të hënën dhe para finales së Championsit, që luhet më 28 maj në Paris, pritet të aktivizohen në tri ndeshjet e fundit të këtij edicioni në La Liga.
Reali tashmë e ka fituar titullin e kampionit dhe do të përballet me Levanten, Cadizin e Betisin përpara se të koncentrohet për finalen e Championsit. Ceballos ka pasur telashe me lëndimet gjatë tërë këtij sezoni, ndërsa Hazard nuk ka luajtur që nga muaji mars.
Gazeta Eurogoli është portal sportiv me qëllim të informimit me lajmet e fundit nga futbolli ndërkombëtar. Për çdo pyetje apo arsye kontakti mos hezitoni të na shkruani në email: kontakt@gazetaeurogoli.com