Ronaldo te Roma? – A mund të ndodhë ky transferim që të gjithë po e presim

Cristiano Ronaldo do të largohet nga Manchester United. Sipas thashethemeve të fundit të merkatos angleze dhe spanjolle, ylli portugez do t’iu thotë lamtumirë “Djajve të Kuq” për ndjenjën e dobët me Ten Hag që dëshiron të fokusohet në profile të ndryshme.

Thashethemet e tregut e çojnë Ronaldon drejt Sportingut të Lisbonës, por edhe Romës. Kjo e fundit është në kërkim të një lojtari me profil ndërkombëtar për të rritur përvojën dhe cilësinë.

Marrëveshja me Romën, megjithatë, nuk do të arrihet. Thashethemet janë mohuar menjëherë nga klubi verdhekuq, ndaj nuk ka shanse ta shohim Cristiano Ronaldon në “Trigoria”.

Arsyet janë të ndryshme. Së pari, Roma nuk dëshiron “të vërë bast” për një lojtar 37-vjeçar, i cili me siguri do të dëshironte të paktën një kontratë 2-vjeçare.

Paga është elementi më i rëndësishëm. Ronaldo fiton 23 milionë euro neto në sezon. Pra, edhe duke përgjysmuar pagën aktuale, ajo do ta kalonte shumë tavanin e pagave të klubit verdhekuq.