Tashmë e kryer, sulmuesi kryen javën e ardhshme testet mjekësore tek Milani

Milani thuhet se ka caktuar datën për testet mjekësore të Divock Origit, pasi ai do të fluturojë javën e ardhshme për të përfunduar transferimin e tij të lirë nga Liverpool.

27-vjeçari ra dakord për kushtet personale disa javë më parë për një kontratë katërvjeçare me vlerë rreth 4 milionë euro në sezon, duke përfshirë shtesa dhe bonuse të lidhura me performancën. Sipas MilanNews.it, sulmuesi do të jetë në Itali javën e ardhshme për testet mjekësore dhe për të nënshkruar kontratën.

Reprezentuesi belg ishte në Liverpool që nga viti 2014, megjithëse kishte edhe periudha huazimi në Lille dhe Wolfsburg. Origi kontribuoi me gjashtë gola dhe katër asistime në 18 paraqitjet e tij konkurruese për Reds këtë sezon.

Milani do të vonojë edhe finalizimin e lëvizjeve të Alessandro Florenzi dhe Junior Messias për disa ditë, megjithëse nuk ka shqetësime se ato do të përfundojnë.

Florenzi ishte i huazuar nga Roma, ndërsa Messias erdhi nga Crotone verën e kaluar, por kuqezinjtë arritën zbritje në të dy opsionet e tyre për të blerë.