Real Madrid triumfoi dje ndaj Liverpoolit në finalen e Champions League që u mbajt në Paris.
Liverpool pësoi humbje me rezultat 0-1, me goditjen e vetme në portë të Los Blancos në drejtim të Alisson Becker. Vinicius ishte realizatori i golit të triumfit të Real Madrid.
Pas ndeshjes mesfushori i Real Madridit, Toni Kross u acarua me gazetarët bashkëkombas të tij kur u pyet se si u ndje që Liverpooli dominoi lojën në 90 minutat e ndeshjes.
“Ke pasur 90 minuta kohë për të menduar dhe ke bërë dy pyetje të kota, dy pyetje negative, mund ta kuptoj menjëherë se je gjerman”, u shpreh Kross i nervozuar.