Zidane tregon arsyen pse e refuzoi Man United dhe tregon se cilin ekip dëshiron ta drejtoj

Zinedine Zidane ishte një nga emrat që përmendej si alternativë për stolin e Manchester United.

Ai së fundmi ka treguar se pse nuk shkoi te Man United. Një nga arsyet është gjuha. Ai thotë se nuk e njeh aq mirë anglishten.

“Kur njerëzit më pyesin pse nuk shkon te Manchester United? Unë kuptoj angisht, por nuk e zotëroj aq mirë”, shtoi francezi. “E di se ka trajnerë që shkojnë te klube ku nuk e flasin gjuhën, por unë punoj ndryshe”, ishin fjalët e Zizou.

Mediat franceze spekulojnë prej disa kohësh se i njohuri Zizu mund të pasojë trajnerin aktual francez Didier Deschamps pas Botërorit në Katar.

“Nuk kam mbaruar me blutë. Sigurisht që do të doja të bëhesha trajner, shpresoj që një ditë të jem. Kur? Këtë nuk më takon mua ta them. Por dua të bëj një rreth të plotë me kombëtaren franceze”,  ka thënë Zidane për L’Equipe.