ZYRTARE: Barcelona ia vazhdon kontratën lojtarit të saj

Barcelona njoftoi këtë të premte rinovimin e kontratës së Sergi Robertos deri në vitin 2023.

Në La Masia që nga radhët e të rinjve, Sergi Roberto bëri debutimin e tij në ekipin e parë në moshën 19-vjeçare në një ndeshje kundër Real Madridit.

Në moshën 30-vjeçare, mesfushori është pjesë e grupit të kapitenëve katalanas dhe po kalon në sezonin e 13-të radhazi në ekipin e parë të Barcelonës. Blaugranët në faqen zyrtare kanë zbuluar se Sergi Roberto ka një klauzolë lirimi prej 400 milionë euro.

Paga nuk u zbulua, por sipas Mundo Deportivo, spanjolli pranoi një ulje rroge prej 60% për të vazhduar në Camp Nou.